.

.

العرس تبوزْ..!

بتاريخ : 2020-07-13 الساعة : 13:59:34

اسم الكاتب : نصرالدين السويلمي     التصنيف : ورقات ثقافية     عدد القراء : 4003




 مقالات أُخرى للكاتب - نصرالدين السويلمي
في عقده الثامن وقد أثخنته المعارك.. غدا يلتقي جيش سجاح!
الأسود تخوض المعارك أولا..
الدكتـــــامــقراطيّــة
هل ينجحون في الإطاحة بالغنّوشي؟
بلاش 30 يونيو يــــــــــــــــــــــا غجـر..!
الانقـــــــــــــــــــلاب يطبخ على نار دستوريّة..!
الرئيس يعلن الحرب على المؤسسة التشريعيّة .!
لقد غفّصوا يا إليـــــــــــــــــــــــــــــــــــــاس..
مبارك للأمّة الإسلاميّة .. العاقبة للقدّس الشّريف بإذن الله
بحركة دستوريّة.. الرئيس يزيح الغنّوشي وينصّب نادية عكاشة!

المزيد من المقالات

 العرس تبوزْ..!

*تو لعراس هاي ولت فيسع فيسع شوي ماكلة ورڨيص في صالة ويهز مرتو ويمشي للوتيل..
اما قبل كنا نشعلوا النجمة أيامات..
وكانهم أهل العريس والعروس متفاهمين يتعدى كل شيء لباس وتتهنى البنية والوليد وضال طريقهم نوّار يشعشع..
وبعد مدة تبدا تظهر المشاكل والكوارث الي وقعت في العرس والدسائس..
تقول انت كيفاش تم العرس هذا؟!
أي تم لاني سيطرت عليها الناس العقال منا ومنا، عائلات واعية ومتفاهمة، ما تخافش عليهم، الزواج يتم يتم، حتى لو كان ثم براينية داخلين بالنية الخايبة بالمشاكل والمؤامرات والغيبة وبالنميمة بدزان الركب بالسحور.. أي حتى بالسحور! يسهل ربي ويبطل السحر ويتم الزواج!!
علاش ؟
على خاطرة ثم إرادة والعايلات شرهانين وراغبين في نسب بعضهم، والنوايا صافية والناس الكل معملة على ربي.

*ويجيك زواج آخر ما فيشو حتى مشاكل، الامور مريڨلة، فقط خالة لعريس ولدها سرق ڨزوزة، ڨالو ولد اخت لعروس اعطيني جغمة، ڨالو لا ما نعطيكش على خاطر انت دشّاع تتذكر الدّلاع المرة ليفاتت؟ّ!
مشى الطفل كتب على الطاولة الي فڨمنها المتريال متاع المزاويدية "لحسناوي ولد خنيسة سراق الڨزوز"
شعلت الدنيا وتبوز العرس وبدوا يجبدوا في الڨديم والجديد، وصْلوا حتى يشككوا في ذري بعضهم! هذا موش ولدك وهذيكا موش بنتك!!!
وصلنا للمواس والشقوفات والدمومات، وصلنا لعروس تحلت ليها 5 غرز في وجهها!!!
واشي على جال قزوزة؟!
تي لا الڨزوزة راهي القشة الي قسمت ظهر البعير،
المشكلة في النوايا المقعمزة وفي الناس الي داخلة على الغدرة والطمعة والتسوفيج..
تي النية المڨعمزة طيحت اعراس..
خلي حكومة تواجه في بلاوي متلتلة شادة بالتّل!!!
يزي من الغدرة وتفاهمات التراكن والالتفاف..
يزى من اللجوء للنية المڨعمزة
اللجوء للنية المڨمزة موش مقبول
ما عندوش مبرر..
يزي من قلة الخير..
قلة الخير تشعل النار من لا شيء..
هاكم شفتو عرس زبيدة وخليل بوزاتو ڨزوزة لحسناوي.

نصرالدين السويلمي

مصدر الخبر : فايس بوك
 
 
 تعليقات الزوّار

 

 
التعليقات المنشورة لا تعبّر إطلاقا عن موقف الحوار نت  وإنّما عن رأي كاتبها فقط ، ونحن ننشرها إيمانا منّا بحرّية الرّأي وفتحا لنافذة النـّقد البنـّاء وتبادل الآراء. لذلك نرجو منكم التزام الموضوعية تجنّب الإساءات مهما كان نوعها

 

 

احجز اسمك المستعار لتتمكن من استخدامه في التعليقات بشكل شخصي ( عند استخدامك لاسمك المستعار في التعليقات لا يمكن لشخص آخر استخدام هذا الاسم )

الرئيسية | منتدى الحوار | أرسل مقالاً | اتصل بنا | من نحن | الأرشيف | مواقع ذات صلة | أضفنا للمفضلة | اجعلنا صفحتك الرئيسية

ما ينشر في شبكة الحوار نت لا يعبّر بالضّرورة عن رأي الإدارة ولا يلزم إلا كاتبه.